Galatians 3

1Kalatə yəmpa wompa ka mɔsʋ kʋmialmən, an ha mι atʋrtə? Nkʋ ιι nan mι yəsa ka wonana akan Yesu kristʋ ka akantəmər rə na. 2Ma ci sə ma kpənklə nte ñι ka mι cal. Ιι hiʋ cərcərə fisu mʋtənkən wontə ιι nι tə na tə rə? 3Ιι kι kʋmialən? Ιι pasə n’kɔhən ka fisu ta sə ιι kɔn n’ιι tιsən tianʋ ta ya?

4Ιι tʋ kʋñʋŋ nkʋ tən ka fala kəna ya. Nən paa sə kʋkι fala? 5Hənp-ɔna, rərə woñι hamι fisu sartə n’ι la təmι nən hampatə lakərasə cəkpɔlasə ka mι hiakʋ ta na, ι latə nən moisə ñastə kəna ya, nιʋ nən mʋʋ nən tɨsu rɔna?

6Sə Apəraham”mʋ Ashia rə n’ι tɨsɨ n’a sʋ-ι sə rəyuyu tι na.” 7Ιι nι sə, wompa mʋ wa tɨsu na kina Apraham yiaa. 8Amaa səsə Ashia kʋsə ι hʋʋn laara n’ʋtənkən wa mʋʋ nən tɨsu rə. Ahosə tiam sartə n’tɔ Apraham ka nιl -” Nən ña rɔna kɔrən tən huku waastə.” 9Həmp-ɔna wompa wι mʋʋ nən tɨsu na wa huku wastə sə Apraham ñ’ι ka kawιn mʋʋ nən tɨsu ka wona.

10Wompa lɨmʋsəm wι ñastə təmər rə na, wa wι ahιswunɖə tι, wontə rə na ama sə, ahιswunɖə nʋ cəl woñι ka cakə fisu s’amaa wont-ɔ ñastə təkarata na nə wa lakə tə tən rə.” 11Kɔhɔŋ ʋ ya la sə Ashia kaa lakə yər-ɔ rəyuyu tι n’ʋtənkən ñastə rə, wontə rə na, rəyuyu yəmpa cakə fisu n’ʋtənkən wa mʋʋ nən tɨsu rə.” 12Ñastə ka lin mʋʋ nən tɨsu tɔna Ama nkʋ woñι sə ι ñɔŋ ñastə ntə na ι cakə fisu n’ʋtʋnkʋn ñastə ntə r-ɔna.”

13Kristʋ ya ra ñin k’ahιswunɖə ñastə tι, ka wonɔna ι pəsən ahιswunɖə ka rə awɔrta, wontə rə na ama sə. “Ahιswunɖə n’ʋ cəl woñι sə akʋι tɨʋ rə na.” 14N nɔɔn tenʋ kəlι sə wastə ntə ka wι Apraham rə na tə kɔn laara rə n’ʋ tənkən Yesu kristʋ rə, fιnə ra pιsə ra mʋ nɔ nka arικa nən fisu mʋʋ nən tɨsu rə na.

15Ma raal na ma wʋtən mι sə yəra wanpa wʋtʋ wona, tətən wι sə añʋʋ nirə ka wontə rə na, nι ra pιsə s’ι yel tə pəsə fala, yaa ι tasə ntər. 16A rɨʋ nɔ k’Apraham n’ιι yekιsə,” ʋ ta kin akal sə ʋ ta kin awʋtʋn yəra kpatrə, ama yekιsə,”ama yər kʋɖəm kəna “ʋkin yekιsə nsə sə kιn krisʋ na.

17Kɔhən ma kalʋ mι ntə ñι sə nɔ nka Ashia hʋka ra pιsə sə yerə wʋsə ka arəfa n naʋsa nən hɨn nɨtɨsɨ 130 wara. 18Wontə rə na nən haɖə kaa kɔmpa n’ʋatənkən ñastə rə, rə ta kʋŋ sə ʋ tənkən nɔ rιʋ rə, Ama Ashia yepa n’ι haaɖə ka Apraham nʋtənkən nɔ rιʋ rə

19Arəyepa nə ñastə wι? ‘atastə yarayara yəntə rɔna, fι nə Apraham yekιsə kɔn na, n’ nɔɔn mp-ɔna arι nɔ nka, n’a cəl wontə rɔnʋ yər n’Ashia wa hiakʋ ta na ka tirəra sə wa hosə tə. 20Nkʋ woñι kι rɔnɖə na, ι ta kι rɔnɖə ka ι kʋɖəm, Ama Ashia ki kʋɖəm.

21Həmpə na ñastə tan nɔ kʋɖəmɔ n’Ashia ya? aι ʋtakι həmpə! wontə rə na kapιsʋwa sə ka ha fisu, ʋtʋnkʋn rəyuyu lapə ta. 22Amaa Ashia təkara ta sə awarkasə ñasə tιtə rə yəra ka wa tən, sə fι n’Ashia ha wontə sə ι hatə wompa tɨsu yesu kristʋ rə na.

23Wontə rə na ι kι Ashia yɨaa n’ʋ tənkən mʋʋ nən tɨsu ka kristʋ yesu rə. 24Həmpə ñastə pəsə ra rə hɔnɖə nʋ sιn kristʋ alwatə sə fι nιι pəsə rəyuyu yəmpa n’ʋ tənkən mʋʋ nən tɨsu rə. 25Kɔhɔŋ mʋʋ nən tɨsu wι na, ra ta tasə ra wι ñastə huku tι nkʋ rikʋ yəra kʋ tι 26.Mιι tən ci Ashia yɨaa nən mʋʋ nən tɨsu ka kristʋ yesu ta.

27Mιι tən ñι ashia mι Ashia lem na ιι pəsə yər kʋɖəm nən kristʋ. 28Nki suifə tι yaa krɛk tι, yaa kpankɔ yaa nki apal ñι ι fisa na, yaa yal mιι tən ιι pəsə kʋɖəm ka kristʋ yesu ta. Nən ιι la yər kʋɖəm nən kristʋ ιι pəsə Apraham yekιsə nə nɔ nka arι ka na ka pəsə ra ñuŋ yapə.

29